Адпраўлена!

Памылка!

Стаянка і селішча Коматава-4 перыяду бронзавага веку, позняга сярэднявечча

Цiкавае

ГКК Коматава-4. Выгляд з паўднёвага ўсходу

Змест

Звесткі аб каштоўнасці

Шыфр

413В000189

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, в. Коматава, насупраць усходняй часткі вёскі, перад рэчкай, на надпойменнай тэрасе р. Нёман

Датаванне

ІV - І тыс. да н. э.

Апісанне

Стаянка і селішча Коматава-4 перыяду бронзавага веку, позняга сярэднявечча знаходзіцца на ніжняй правабярэжнай тэрасе р. Нёман, на поўдзень ад усходняй ускраіны вёскі Коматава і будынка былога магазіна, на захад ад царквы, пры вусці невялікай рэчкі (правабярэжжа).

Займае злёгку нахіленую ў бок ракі пляцоўку ніжняй надпоймавай тэрасы і схіл верхняй (плаўны пераход ад верхняй да ніжняй). Паўночна-заходняя частка забудавана і занята вясковымі агародамі. Па цэнтральнай раней праходзіла дарога з вёскі да Нёмана. Усходняя раней была засаджана кустарнікамі, якія пасля будаўніцтва дамбы вадасховішча Гродзенскай ГЭС былі высечаны.

Помнік быў знойдзены славяна-літоўскім атрадам Прыбалтыйскай археолага-этнаграфічнай экспедыцыі над кіраўніцтвам Ф.Д. Гурэвіч у другой палове XX ст. Быў выяўлены культурны пласт, у якім трапіліся вугалькі, абпаленыя камяні, крамянёвыя вырабы, фрагменты гладкай і штрыхаванай ляпной керамікі, абломкі ганчарнага посуду. У 1973-1975 гг. помнік абследаваў Я.Г. Звяруга.

У 2009 г. даследаванне стаянкі і селішча працягнуў В.Л. Лакіза. Былі выяўлены і даследаваны некалькі дзесяткаў разнастайных аб’ектаў, гаспадарчыя пабудовы і ямы, агнішчы. Знойдзена некалькі тысяч артэфактаў: крамянёвыя вырабы першаснай апрацоўкі, прылады працы, з выразным дамінаваннем скрабкоў розных тыпаў, фрагменты ляпной і ганчарнай керамікі, кафлі, костак, жалезныя вырабы, манеты.