зваротная сувязь
Калі вы заўважылі недакладнасць, ці маеце пытанне - лістуйце:
Стаянка і селішча перыяду неаліту, бронзавага веку, ранняга жалезнага веку, курганны могільнік
Шыфр
113В000572
Катэгорыя каштоўнасці
Тып каштоўнасці
Падтып каштоўнасці
Месца знаходжання
Брэсцкая вобласць, Пінскі раён, в. Лемяшэвічы, 0,8 км на поўдзень, па абодва бакі ад дарогі да в. Хлябы, у лесе (кварталы 12, 13)
Датаванне
4-1 тыс. да н.э.
Апісанне
Стаянка і селішча перыяду неаліту, бронзавага веку, ранняга жалезнага веку, курганны могільнік размешчана праз 0,8 км на поўдзень ад в. Лемяшэвічы, па абодва бакі ад дарогі на в. Хлябы, у лесе (кварталы 12, 13). Курганны могільнік складаецца з 29 насыпаў паўсферычнай формы, акруглых і авальных у плане, вышынёй 0,5–2 м, дыяметрам ад 8–9 да 14–16 м. Курганы насыпаны на тэрыторыі паселішча, дзе сабраны крамянёвыя артэфакты і фрагменты керамікі жалезнага веку. Помнік выявіла і абследавала ў 1980 г. В.С. Вяргей. У 1981 г. даследчыца раскапала 1 курган у групе, размешчанай з правага боку ад дарогі. Курган меў памеры 7 х 7,5 м, паўсферычную форму, вышыню 1 м. У насыпе былі прасочаны прапласткі попелу, пахаванне выяўлена не было. В.С. Вяргей датавала курганны могільнік X–XII стст. Паселішча, на тэрыторыі якога знаходзіцца курганны могільнік, датуецца перыядам неаліту і раннім жалезным векам (5-3 тыс. да н.э., 1 тыс. н.э.).
Сартаваць па