Стаянка перыяду бронзавага веку

У 1930 годзе ў час правядзення маршрутнай разведкі па праваму берагу ракі Пціч стаянку эпохі неаліту і бронзы каля вёскі Сіманавічы вынайшаў А. А. Рынейскі. На паўднёвы ўсход ад вёскі, на адлегласці прыкладна 250 метраў ад яе, на беразе ракі ім знойдзены нуклеус, пяць крамянёвых пласткоў і адшчэпаў, 17 фрагментаў ляпнога посуду. Пытаннямі, звязанымі з існаваннем дадзенай стаянкі займаўся К. М. Палікарповіч (1932 год), даследаваў яе В. Ф. Капыцін (1977 год). У перыяд 1987-1999 гадоў мясцовасць вывучалася М. І. Лашанковым і Н. М. Дубіцкай у сувязі з правядзеннем раскопак селішча ва ўрочышчы Цямшава Поле. У час суцэльнага археалагічнага абследвання Глускага раёна ў 2000-2001 гадах стаянка ізноў аглядалася В. Ф. Капыціным.