Стаянка перыяду мезаліту, неаліту, бронзавага веку

Стаянка перыяду мезаліту, неаліту, бронзавага веку размешчана праз 0,05 км на поўдзень ад вёскі Загорыны, на першай надпоплыўнай тэрасе ракі Прыпяць і на схіле аднаго з марэнных узвышшаў Мазырскай грады, у лесе. Даўжыня ўздоўж берага 450 м, шырыня 100 м. Знаходкі сустракаюцца на лясной дарозе і агаленнях культурнага пласта.

Даўжыня ўздоўж берага 300 м, шырыня 120 м, вышыня над поплавам ракі 4 м. Выявіў і даследаваў у 1962 г. У.Ф. Ісаенка. Культурны пласт складаецца з верхняга і ніжняга гарызонтаў. У ніжнім гарызонце (да 0,3 м) знойдзены 57 крамянёвых прылад працы і зброі, фрагменты ляпнога посуду. Датуецца 7-4-м тысячагоддзямі да н.э. У верхнім гарызонце (0,2 м), які залягаў у гумусавым пласце, знойдзены крамянёвыя прылады працы і рэшткі ляпнога посуду. Адносіцца да позняга неаліту і бронзавага веку, датуецца канцом 3-га - 2-м тысячагоддзем да н.э. 9 - 2-е тыся-чагоддзі да н.э.