Адпраўлена!

Памылка!

Стаянка перыяду неаліту і бронзавага веку

Цiкавае

Змест

Звесткі аб каштоўнасці

Шыфр

513В000421

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Магілёўская вобласць, Глускі раён, в. Падлужжа, 0,5 км на захад ад вёскі, на правым беразе р. Пціч, на пясчаных узгорках

Датаванне

сяр. VI тыс. - п. п. II тыс. да н.э.

Апісанне

Стаянка перыяду неаліту і бронзавага веку размешчана на пясчаных узгорках на захад ад в. Падлужжа, у напрамку в. Рылавічы (Розлевічы), на правым беразе р. Пціч, ва ўрочышчы Кароўшчына.

Помнік выяўлены А. Рынейскім у 1930 г. Абследавалі ў 1977 і 2000 гг. В.Ф. Капыцін, у 1986 г. Крывальцэвіч, у 1987 г. Н.Н. Дубіцкая і М.І. Лашанкоў. Сярод матэрыялу знойдзенага на помніку фрагменты ляпнога посуду, крамянёвыя пласціны і адшчэпы. Па інфармацыі, прадстаўленнай М.І. Лашанковым, стаянка датуецца каменным (неалітам) і бронзавым вякамі.

У 2000 г. В.Ф. Капыцін на прасёлкавай дарозе і ў абрывістым беразе ракі сабраў крамянёвыя вырабы, кругавую кераміку і нявызначальныя фрагменты ляпной керамікі. Раскопкі не праводзіліся.

У 2019 г. стаянку неаліта і бронзавага века Падлужжа-1 агледзелі М.І. Ткачова і А.Ю. Ткачоў. Стан захавання помніка на дадзены момант з'яўляецца здавальняючым.