Стаянка перыяду неаліту і ранняга бронзавага веку

Стаянка каля в. Баравая - гэта археалагічны помнік матэрыяльнай культуры, пакінуты насельніцтвам каменнага і бронзавага вякоў у перыяд паміж 10-3 тыс. да н.э.

Стаянка каменнага і бронзавага веку размешчана на эолавых дзюнах ва ўрочышчах Востраў і Крамяні, якія знаходдзяцца ў пойме правага берага р. Бярэзіна, у 0,6 км ад рэчышча ракі. Урочышча Востраў знаходзіцца у 1,2 км на паўночны ўсход ад вёскі, урочышча Крамяні у 1 км на поўнач ад вёскі, у 0,7 км на поўдзень ад вусця р. Брожка (Продвінка).

Абавязковым элементам, які падлягае захаванню, з’яўляецца культурны пласт стаянкі. Культурным пластом у археалогіі называюць пласт зямлі, які змяшчае рэшткі жыццядзейнасці старажытных людзей. 

Помнік мае вельмі важнае значэнне для вывучэння гісторыі Бабруйскага раёна, таму што раскопкі стаянак даюць вельмі каштоўную гістарычную інфармацыю аб жыцці насельніцтва ў каменным і бронзавым веку, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення плямёнаў.