Стаянка перыяду неаліту і селішча перыяду ранняга сярэднявечча

Селішча эпохі Старажытнай Русі у заходняй і паўночна-заходняй частцы курганнага могільніка на плошчы да 0,5 га на правым беразе р. Узбінка (2,5 км), за 2,3 км на паўночны ўсход ад вёскі, за 1 км на паўночны ўсход ад сельскіх могілак, ва ўрочышчы "Жорава Балота". Часткова парушана двума сіласнымі ямамі, у сценках якіх прасочваецца культурны пласт магутнасцю да 0,2 м, цёмна-шэрага колеру. Сабраны фрагменты ганчарнай керамікі з лінейным арнаментам.