Адпраўлена!

Памылка!

Стаянкі перыяду каменнага веку

Цiкавае

Змест

Звесткі аб каштоўнасці

Шыфр

413В000150

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Гродзенскі раён, аг. Азёры, на ўсходняй ускраіне вёскі, 1 км на ўсход ад вёскі, на захад ад вёскі, 0,8–1 км на поўдзень ад стаянкі 3, на паўднёвы захад ад стаянкі 6, 1 км на поўнач ад вёскі

Датаванне

IX - VIII тыс. да н. э.

Апісанне

Стаянка перыяду каменнага веку (Азёры 1) знаходзіцца ў паўднёвай, левабярэжнай часты аг. Азёры, уздоўж заходняга берага воз. Рыбніца. Датуецца перыядам фінальнага палеаліту, мезаліту, неаліту, бронзавага часу, эпохай сярэднявякоўя і Новага часу (ІХ-І тыс. гадоў да н.э., XV – XVII стст.).

Помнік выяўлены Л.С. Клейнам у 1957 г. Абследаваўся Ф.Д. Гурэвіч у 1956 г., М.М. Чарняўскім ў 1986 г., В.Л. Лакізай і В.С. Абухоўскім ў 1996 г. і В.Л. Лакізай ў 2011-2012 гг. Падчас паверхневых збораў былі сабраны крамянёвыя артэфакты, фрагменты ляпной і ганчарнай керамікі.

Стаянка перыяду каменнага веку (Азёры 2) знаходзіцца на паўночны-ўсход аг. Азёры, на заходнім беразе воз. Рыбніца. Датуецца перыядам фінальнага палеаліту, мезаліту, неаліту, бронзавага часу, эпохай сярэднявякоўя і Новага часу (ІХ-І тыс. гадоў да н.э., XV – XVII стст.).

Помнік выявіў у 1972 г. М.М. Чарняўскі, які абследаваў яго ў 1986 і 1994 гг. У 1996 г. вывучаўся В.Л. Лакізай і В.С. Абухоўскім, у 2011-2012 гг. В.Л. Лакізай. Падчас паверхневых збораў былі сабраны крамянёвыя артэфакты, фрагменты ляпной і ганчарнай керамікі.

Стаянка перыяду каменнага веку (Азёры 3) знаходзіцца на паўднёвы-ўсход аг. Азёры, на паўночна-заходнім беразе воз. Рыбніца. Датуецца перыядам фінальнага палеаліту, мезаліту, неаліту, бронзавага часу, эпохай сярэднявякоўя і Новага часу (ІХ-І тыс. гадоў да н.э., XV – XVII стст.).

Помнік выявіў у 1972 г. М.М. Чарняўскі. Ён жа яго абследаваў у 1986 і 1994 гг. У 1996 г. вывучаўся В.Л. Лакізай і В.С. Абухоўскім, у 2011-2012 гг. В.Л. Лакізай. Падчас даследаванняў 2012 г. на тэрыторыі помніка была праведзена шурфоўка (3 шурфы), быў выяўлены культурны пласт. Падчас паверхневых збораў былі сабраны крамянёвыя артэфакты, фрагменты ляпной і ганчарнай керамікі, а таксама пахаванне.

Стаянка перыяду каменнага веку (Азёры 4) знаходзіцца на паўночны-ўсход ад базы адпачынку “На возеры” аг. Азёры, на паўночна-заходнім беразе воз. Рыбніца. Датуецца перыядам мезаліта-неаліта.

Помнік быў выяўлены ў 1972 г. М.М. Чарняўскім. Ён жа яго абследаваў у 1986 і 1994 гг. У 1996 г. вывучалі В.Л. Лакіза і В.С.Абухоўскі, у 2011-2012 гг. - В.Л. Лакіза. Падчас даследаванняў 2012 г. была праведзена шурфоўка (2 шурфы), быў зафіксаваны культурны пласт. У ім прысутнічалі крамянёвыя вырабы і фрагменты ляпной керамікі.

Стаянка перыяду каменнага веку (Азёры 5) знаходзіцца на паўднёвы-ўсход ад базы адпачынку “На возеры” аг. Азёры, на паўночным беразе воз. Рыбніца. Датуецца каменным-бронзавым вякамі (Х-І тыс. да н.э.).

Помнік быў выяўлены ў 2021 г. Была сабрана калекцыя крамянёвых артэфактаў.

Стаянка перыяду каменнага веку (Азёры 6) знаходзіцца на паўднёвы-ўсход ад базы адпачынку “На возеры” аг. Азёры, на паўночным беразер воз. Рыбніца. Датуецца каменным-бронзавым вякамі (Х-І тыс. да н.э.).

Помнік быў выяўлены ў 2021 г. Была сабрана калекцыя крамянёвых артэфактаў.