Адпраўлена!

Памылка!

Старажытныя паселiшчы, курганны некропаль, пасад, тэрыторыя былой Заручаўскай слабады

Цiкавае

Змест

Звесткі аб каштоўнасці

Шыфр

213В000006

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Віцебская вобласць, г. Віцебск

Датаванне

XII-XVII стст.

Апісанне

Неўмацаванае паселішча Заручаўе ХІІ-ХІІІ стст. знаходзіцца на поўдзень і паўднёвы-ўсход ад Ніжняга замка. З'яўлялася пасадам Віцебска XII-XVII стст. Займала плошчу каля 10 га.

Да канца XVIII ст. яго тэрыторыя дасягнула значных памераў: у межах сучасных набярэжнай р. Заходняй Дзвіны на захадзе, вул. Праўды на поўдні і рова Гапеева ручая на ўсходзе. З поўначы працякаў замкавы (Пілат) ручай, які аддзяляў Заручаўе ад Ніжняга замка. У заходняй яго частцы (зона ад вул. Леніна да наберажнай ўздоўж р. Заходняй Дзвіны) у эпоху сярэднявечча сяліліся рамеснікі, пераважна звязаныя з апрацоўкай скур i металу. Ва ўсходняй, больш узнёслай часткі (тэрыторыя аблвыканкама), размяшчаўся Святадухаўскі манастыр і царква Св. Духа, вядомая па пісьмовых крыніцах з XIV ст.

Археалагічныя раскопкі і даследаванні праводзіла ў 1981, 1986 гадах В.М. Ляўко (у заходняй частцы ўздоўж берага Заходняй Дзвіны, ва ўсходняй частцы ў раёне вул. Гогаля, 6), у 1993-94 гг. В.М. Ляўко і Т.С. Бубенька выконвалі археалагічны нагляд за землянымі работамі па вул. Калініна, на пл. Тысячагоддзя, у 2000-2001 гг. Т.С. Бубенька выконвала нагляд за землянымі работамі ў раёне будаўніцтва па вул. Леніна і пр-ду Гогаля.