Свята-Георгіеўская царква
Свята-Георгіеўская царква
Змест
Звесткі аб каштоўнасці
Шыфр
613Г000484
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1844 г.
Апісанне
Свята-Георгіеўская царква размешчана на паўночна-заходняй ускраіне вёскі, на перакрыжаванні вул. Зялёнай і дарогі ў в. Прасці. Вырашана ў традыцыях народнага дойлідства. З'яўляецца помнікам драўлянай архітэктуры.
Царква двухзрубавая, пастаўлена на невысокім мураваным падмурку. Прамавугольны асноўны і пяцігранны алтарны зрубы аб’яднаны агульным карнізам і накрыты асобнымі высокімі вальмавымі дахамі, вільчыкі якіх прарэзаны васьміграннымі глухімі барабанамі з купаламі, увянчанымі крыжамі. Над асноўным аб’ёмам барабан двух’ярусны. Цяпер дах накрыты бляхай.
У інтэр’еры царква мае плоскае бэлечнае перакрыцце, столь і падлога драўляныя.
Участак, на якім размешчана царква, абнесены сучаснай металічнай агароджай. На царкоўным пагосце на адной восі з галоўным фасадам храма знаходзіцца капліца ў памяць М. Пратасевіч, на захад ад царквы – помнік загінуўшым у Вялікую Айчынную вайну землякам, на поўнач ад царквы – брацкая магіла воінаў Чырвонай Арміі, якія загінулі ў баях з нямецка-фашысцкімі акупантамі ў 1941 г., і з паўночна-ўсходняга боку – магіла двух партызан, якія загінулі ў 1944 г.
Доступ да аб'екта