зваротная сувязь
Калі вы заўважылі недакладнасць, ці маеце пытанне - лістуйце:
Свята-Казанская царква
Шыфр
113Г000220
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1905 г.
Стыль
Народнае дойлідства з элементамі класіцызму
Апісанне
Драўляная царква ў гонар Казанскай іконы Божай Маці ў в. Толкава была пабудавана ў 1905 г. на ўчастку зямлі, якую падарыў нейкі Рыжук. Ён служыў у царскай арміі 20 гадоў і быў узнагароджаны дзесяцінай зямлі, якую і аддаў на добрую справу.
Будынак царквы быў вырашаны чатырохчастковай падоўжна-восевай кампазіцыяй: прытвор-званіца, бабінец, малітоўная зала, апсіда. Над прытворам узведзена двух’ярусная васьмігранная званіца, завершаная шатром з макаўкай. Па цэнтры двухсхільнага даху малітоўнай залы ўзведзены цыбулепадобны купал.
У 1960 г. царква, як і многія іншыя, была зачынена. У 1961 г. была праведзена ўнутраная рэканструкцыя і будынак перададзены пад клуб. Усе царкоўныя каштоўнасці былі вывезены ў Антопальскую царкву.
У 1990 г. святыню вярнулі вернікам. У 1991 г. на сродкі прыхаджан царква была адноўлена.
Сартаваць па