Адпраўлена!

Памылка!

Свята-Мікалаеўская царква

Цiкавае

Змест

Звесткі аб каштоўнасці

Шыфр

213Г000514

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Лепельскі раён, в. Макараўшчына

Датаванне

1895 г.

Стыль

Рэтраспектыўна-рускі

Апісанне

Свята-Мікалаеўская царква ў в. Макарыўшчына (у XVIII - п. XX стст. вёска называлася Губіна) вядома з к. XVIII ст. Да 1839 г. была ўніяцкай, пасля перайшла ў праваслаўе. З'яўляецца адзіным на Лепельшчыне помнікам архітэктуры рэтраспектыўна-рускага стылю.

Царква мураваная крыжападобная ў плане. Асноўны вышэйшы кубападобны аб'ём накрыты вальмавым дахам. Да асноўнага аб'ёму прыбудаваны ніжэйшыя чатырохгранныя апсіда і бакавыя прыбудовы, прытвор і званіца на галоўным фасадзе. Сцены прарэзаны паўцыркульнымі ўваходнымі і аконнымі праёмамі.

У 1895 г. царква, якая першапачаткова была драўлянай, была перабудавана нанова з цэглы, знадворку i ўнутры атынкавана і пабелена вапнай.

У 1882-1914 гг. пры Свята-Мікалаеўскай царкве працавала царкоўна-прыходская школа.

У 1929 г. царква была зачынена. У Вялікую Айчынную вайну ў ёй размяшчаўся гарнізон паліцаяў, якія ахоўвалі дарогу на ваенны аэрадром у Улле. Пасля вайны культавы будынак быў прыстасаваны пад склад збожжа.

У 1990-я гг. храм быў вярнуты вернікам. Сіламі мясцовых жыхароў, прыхаджан і старасты М. Ф. Гутніка будынак царквы быў адноўлены.

На сённяшні дзень службы ў Свята-Мікалаеўскай царкве праходзяць усяго некалькі разоў у год, у храмавыя святы.