Паводле пісьмовых крыніц, у 1685 г. у Валеўцы брэсцкім ваяводам Стэфанам Курчам была заснавана базыльянская царква. У 1736 г. храм быў рэканструяваны. Пасля скасавання уніі ў 1839 г. царкву перадалі праваслаўнаму духавенству. Пад час рэканструкцыі і прыстасавання храма пад праваслаўную царкву на галоўным фасадзе разабралі верхнія ярусы вежаў, над асноўным аб'ёмам зрабілі невялікую глаўку. Канчаткова храм быў сфарміраваны ў 1930-я гг., калі да галоўнага фасада прыбудавалі званіцу. У 1926 г. у царкву быў перавезены іканастас са знішчанага ў Варшаве сабора Аляксандра Неўскага.