Адпраўлена!

Памылка!

Свята-Троіцкая царква

Цiкавае

Змест

Звесткі аб каштоўнасці

Шыфр

413Г000737

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Гродзенская вобласць, Зэльвенскі раён, г.п. Зэльва, вул. Савецкая, 8

Датаванне

1815 г.

Стыль

Псеўдарускі стыль

Апісанне

Свята-Троіцкая царква - помнік архітэктуры з элементамі псеўдарускага стылю.

Царква аднанефавая, з прамавугольным у плане асноўным аб'ёмам, квадратнай званіцай і паўкруглай апсідай. Званіца невысокая, двух'ярусная, з паўцыркульнымі вокнамі і шатровым дахам, над якім узвышаецца невялікі купал на круглым барабане. Унутраная планіроўка амаль поўнасцю зменена. Над уваходам размешчаны хоры з драўлянай агароджай, упрыгожанай разным геаметрычным арнаментам. Алтарная частка вылучана 2 выступамі-пілонамі ў форме порцікаў на 3 калонах.

Па адной версіі Зэльвенская Свята-Троіцкая царква была пабудавана ў 1815 г. як касцёл на падмурку старажытнай драўлянай праваслаўнай царквы, датаванай па адных крыніцах 1434 г., па іншых - 1443 г. Па другой версіі - на пачатку ХІХ ст. гэта быў тэатр, узведзены Сапегамі для забавы гасцей Анненскага кірмашу. Таксама сустракаюцца звесткі, што ў 1815 г. храм быў пабудаваны па праекце архітэктара А. Градзецкага як уніяцкі.

У перыяд з 1904 па 1909 гг. па праекце архітэктара І.К. Плотнікава храм быў перабудаваны. У гэты ж час дабудавана званіца. У 1910 г. царква была асвячоная як праваслаўная.