Адпраўлена!

Памылка!

Свята-Троіцкая царква

Цiкавае

Змест

Звесткі аб каштоўнасці

Шыфр

213Г000455

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Дубровенскі раён, г. Дуброўна, вул. Чырвонаслабодская, 3

Датаванне

1809 г.

Стыль

Сінтэз традыцыйных прыёмаў мясцовага дойлідства і рыс класіцызму

Апісанне

Мураваная Свята-Троіцкая царква была пабудавана ў 1809 г. ў стылі класіцызму.

Аднакупальны храм падоўжна-восевай кампазіцыі. Уключае асноўны аб'ём, паўкруглую апсіду, трапезную і бабінец са званіцай на галоўным фасадзе. Двух'ярусная званіца завершана шатровым дахам. Ніжні яе ярус глухі, верхні прарэзаны высокімі арачнымі праёмамі. Знешняе дэкаратыўнае афармленне мае рысы класіцызму, спрошчанае. Галоўны фасад і бакавыя сцены асноўнага аб'ёму завершаны трохвугольнымі франтонамі, апаясанымі карнізамі. Прамавугольныя аконныя праёмы малітоўнай залы, апсіды і трапезнай вылучаны сандрыкамі. Фасады раскрапаваны руставанымі лапаткамі.

У інтэр'еры вылучаецца ўвянчаны купалам цэнтральны двух'ярусны аб'ём, з якім непасрэдна злучаюцца трапезная і апсіда. З левага боку да прытвора зроблена невялікая пазнейшая прыбудова.

Царква дзейнічала да 1930 г. У Вялікую Айчынную вайну атрымала значныя пашкоджанні. Пасля вайны на сродкі вернікаў царква была адноўлена. Аднак, як сведчыць скарга прыхаджан храма, да 1948 г. царква была занята пад сховішча зерня і гародніны.