Адпраўлена!

Памылка!

Свята-Троіцкая царква

Цiкавае

Змест

Звесткі аб каштоўнасці

Шыфр

613Г000498

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Мінская вобласць, Нясвіжскі раён, аг. Салтанаўшчына, вул. Паўднёвая, 19

Датаванне

1826

Стыль

позні класіцызм

Апісанне

Храм быў пабудаваны ў 1826 г. стараннем мясцовага святара Аляксандра Календы і на ахвяраванні многіх мясцовых памешчыкаў. У друкаваным выданні “Описание церквей и приходов Минской епархии. Слуцкий уезд” сказана, што пабудаваная царква была ўніяцкай. Т.І.Чарняўская, а следам за ёй А.М.Кулагін зыходзячы з архітэктуры храма і наяўнасці ў ім мураванага алтара, лічылі яго касцёлам. Больш даставерна, што храм будаваўся як уніяцкі, пасля скасавання ўніі быў далучаны да праваслаўнай царквы. У 1864 г. царква была адрамантавана на сродкі памешчыкаў і пры дапамозе самой царквы. У 1869 г. на восі галоўнага фасада былі ўзведзены мураваная званіца і вакол пагоста агароджа.

У Вялікую Айчынную вайну царква ацалела. У 1962 г. храм быў зачынены. З 1989 г. царква зноў дзейнічае. У гэты перыяд да галоўнага фасада прабудавалі тамбур, на даху ўзвялі купал, трохвугольны франтон на галоўным фасадзе зрабілі разарваным, да паўднёвага фасада ў тарцы будынка прыбудавалі кацельню.

Царква – помнік архітэктуры з рысамі позняга класіцызму. Сучаснае выкарыстанне -Храм у гонар Святой Жываначальнай Троіцы.