зваротная сувязь
Калі вы заўважылі недакладнасць, ці маеце пытанне - лістуйце:
Свята-Успенская царква
Шыфр
113Г000500
Катэгорыя каштоўнасці
Тып каштоўнасці
Падтып каштоўнасці
Датаванне
1816 г.
Стыль
класіцызм
Апісанне
Упершыню царква ў в. Гвозніца згадваецца ў 1668 г. як уніяцкая. Пазней царква згадваецца ў дакументах 1724 і 1768 гадоў. У 1814 г. пачалося і ў 1816 г. завершана будаўніцтва мураванага храма на сродкі памешчыка І. д'Оберна і прыхаджан. Размешчана ў цэнтры вёскі. З 1860 г. пры царкве існавала царкоўна-прыходская школа. У гады Вялікай Айчыннай вайны царква была часткова разбурана. Пасля вайны адрамантавана і прыстасавана пад сельскі клуб. Пры гэтым былі страчаны званіца і вышыня храма паменшана на 2 м. У 1991 г. царква была вернута вернікам, у сувязі з чым адноўлены званіца і купал.
Царква мураваная прамавугольная ў плане з прыбудовай на галоўным фасадзе прытвора са званіцай. Асноўны аб'ём царквы накрыты двухсхільным дахам, увянчаным у цэнтры невялікім купалам на глухой гранёнай шыйцы. Фасады члянёны плоскімі лапаткамі, прамавугольнымі аконнымі праёмамі. Прытвор-званіца двух'ярусны, завершаны купалам на васьмігранным светлавым барабане. Будынак апярэзаны шматслойным карнізам.
Сартаваць па