Царква
Царква
Змест
Звесткі аб каштоўнасці
Шыфр
513Г000471
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
д. п. ХІХ ст.
Стыль
Псеўдавізантыйскі
Апісанне
Свята-Узнясенская царква была пабудавана на правым беразе ракі Іпуць на цэнтральнай плошчы вёскі ў 1887 г. на сродкі казны. Крыжападобны будынак з пяцiграннай алтарнай апсiдай. Гранёныя рызнiцы прылягаюць да бакавых прыбудоў. Над сяродкрыжжам узвышаецца светлавы чацвярык. Вокны паўцыркульныя дэкарыраваныя, на светлавым чацверыку трохчастковыя. Аздоба iнтэр'ераў не захавалася. З'яўляецца помнiкам архiтэктуры з рысамi псеўдавiзантыйскага стылю.
Вядома, што гэтай царкве расійскі імператар Аляксандр III падараваў абраз Хрыста Збавіцеля. На жаль, гэты абраз да нашых дзён не захаваўся, дзе ён - невядома, і пра яго існаванне гісторыкі і святары ведаюць толькі з архіўных дакументаў.
Пад час Другой сусветнай вайны царква вельмі пацярпела. На званіцы царквы размяшчаліся нямецкія кулямётчыкі, таму царкву моцна абстрэльвалі. Званіца была разбурана, сцяны пашкоджаны. Пасля вайны цэглу з царквы бралі на аднаўленне жывёлагадоўчай фермы і машынна-трактарнай станцыі.
У пачатку 1960-х гг. у памяшканні царквы размясціўся склад саўгаса “Мілаславіцкі”.
Царква была адноўлена ў 1990-я гг. на сродкі фонда аднаўлення Свята-Увазнясенскай царквы. Значны ўклад у фонд зрабіў грамадзянін ФРГ Адам Троер. Падчас вандроўкі па Клімавіцкаму раёну Адам Троер пазнаёміўся з Мілаславічамі, пабачыў царкву і нечакана вырашыў даць грошы на яе аднаўленне.
Свята-Увазнясенская царква зноў была адкрыта ў кастрычніку 2003 г.
Доступ да аб'екта