Адпраўлена!

Памылка!

Царква

Цiкавае

Змест

Звесткі аб каштоўнасці

Шыфр

213Г000671

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Полацкі раён, в. Калектыўная

Датаванне

1750 г.

Стыль

Барока

Апісанне

Царква ў імя святога Мікалая Цудатворца была пабудавана ў канцы XVIII ст. у в. Муміна (зараз в. Калектыўная). На дадзены момант у Полацкім раёне гэта адзіная мураваная царква ў стылі позняга барока з элементамі класіцызму.

Царква прадстаўляе сабой кампактны крыжова-купальны храм. Фасады патынкаваныя і пафарбаваныя, пластыка стрыманая. У цэнтры галоўнага фасада і крылах трансепта размешчаны лучковыя дзвярныя праёмы ў простых ліштвах з замковым каменем. На дзвярах з паўночнага боку царквы захаваліся каваныя завесы. Асноўны аб'ём царквы і крылы трансепта накрыты двухсхільнымі дахамі. На галоўным фасадзе над уваходам у царкву маецца чацверыковая драўляная званіца. Аздабленне інтэр'ераў не захавалася.

Дакладная дата будаўніцтва царквы не вядома, па некаторых неўдакладненых звестках, узведзена ў 1750 г., па іншых - у 1780-1790-х гг. Была рэканструявана ў 2-й палове XIX ст.

У 1920-я гг., у перыяд барацьбы з рэлігіяй, царква была зачынена. Па ўспамінах мясцовых жыхароў, у памяшканнях будынка адкрылі інтэрнат для работнікаў ільнозавода, купалы знеслі, з трох бакоў прыбудавалі веранды.

У 1990-я гг. царква была перададзена вернікам. У 2022 г. дабрачынцы падарылі прыходу царквы іканастас, пасад і ахвярнік, а нядаўна былі выкананы работы па ўладкаванні бетоннай сцяжкі для падлогавага пакрыцця, што дазволіла правесці ў царкве першае богаслужэнне.