Царква

Царква Праабражэння Гасподняга ў в. Мамаі - помнік архітэктуры ХІХ стагоддзя. Каменны храм быў пабудаваны ў 1826 годзе мясцовым памешчыкам Іосіфам Корсакам у строгім класічным стылі, характэрным для еўрапейскай архітэктуры гэтага перыяду. Першапачаткова ён з'яўляўся каталіцкім касцёлам, але ў 1865 годзе яго перадалі праваслаўным. Пасля нязначнай перабудовы, з 1869 года храм дзейнічае як праваслаўная царква. Брама званіца пабудавана ў 19 ст. ў адной стылістыцы з храмам. У пасляваенны час царква была зачынена. Храм вярнулі вернікам толькі ў 1992 г. Пры аднаўленні царквы купал зрабілі іншай формы. Храм з'яўляецца дзеючым.