Адпраўлена!

Памылка!

Царква

Цiкавае

Змест

Звесткі аб каштоўнасці

Шыфр

213Г000581

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Пастаўскі раён, в. Апідамы, вул. Паркавая, 14

Датаванне

ХІХ ст.

Стыль

Народнае драўлянае дойлідства

Апісанне

Свята-Успенская царква ў в. Апідамы належыць стараверніцкай абшчыне. Царква пабудавана ў 1920-1921 гг. на месцы старой царквы, якая была знішчана пажарам. У 1933 г. дадаткова быў зроблены рамонт ганка.

Свята-Успенская царква - прамавугольны ў плане адназрубны будынак, пастаўлены на мураваны цокаль, накрыты двухсхільным дахам з галоўкай над алтарнай часткай. На галоўным фасадзе невялікі бабінец завершаны высокай чацверыковай вежай-званіцай, якая часткова ўрэзана ў дах асноўнага аб'ёму храма. Званіцу вянчае гранёны купал без барабана. Ніжняя частка сцен вертыкальна ашалявана, верхняя і званіца ашаляваны гарызантальна, трохвугольныя франтоны - "у елачку". Тыльная сцяна царквы вылучана двума прамавугольнымі ўстаўкамі з шалёўкай "у елачку". Пад карнізам праходзіць зубчасты разны пояс. Царква -- помнік народнага драўлянага дойлідства.

Падчас Другой сусветнай вайны ў царкве рэгулярна праводзіліся набажэнствы.

У 2008 г. на будынку царквы быў адрамантаваны дах, усталяваны новыя купалы, а таксама праведзены рамонт званіцы.