Адпраўлена!

Памылка!

Царква

Цiкавае

Змест

Звесткі аб каштоўнасці

Шыфр

213Г000582

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Пастаўскі раён, в. Асінагарадок, вул. Станкевіча, 4

Датаванне

пач. ХХ ст.

Стыль

Помнік драўлянага дойлідства неарускага стылю, з выкарыстаннем элементаў стылю мадэрн

Апісанне

Царква Пакрова Прасвятой Багародзіцы знаходзіцца на паўднёва-заходняй ускраіне в. Асінагарадок на гарадзішчы перыяду ранняга жалезнага веку. Пабудавана ў пачатку ХХ ст. на месцы збудаванай па фундацыі князя Ануфрыя Друцкага-Любецкага ў 1782 г. драўлянай уніяцкай царквы.

Царква мае традыцыйную кампазіцыю: прамавугольны асноўны зруб, роўны з ім па шырыні бабінец, 5-гранная апсіда з прыбудовамі па баках і складаны шмат'ярусны дах з высокай шатровай вежачкай у цэнтры.

Асаблівую архітэктурную значнасць мае званіца, якая знаходзіцца побач з царквой. Званіца - помнік архітэктуры драўлянага дойлідства з элементамі стылю мадэрн. Па некоторых дадзеных, была пабудавана ў 1939 г.

Мастацкую каштоўнасць інтэр’ера храма ўяўляюць абразы мяжы XVIII-ХІХ стст. “Маці Божая з дзіцём” і “Апостал Пётр” і ХІХ ст. “Святы Аляксандр Неўскі” і “Георгій Перамаганосец”.