Адпраўлена!

Памылка!

Царква Казанскай Маці Божай

Цiкавае

Змест

Звесткі аб каштоўнасці

Шыфр

112Г000364

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Брэсцкая вобласць, Камянецкі раён, в. Ражкоўка, с/с Дзмітравіцкі

Датаванне

1942 г.

Апісанне

Царква Казанскай Маці Божай пабудавана ў 1942 г. Храм размешчаны на ўсходняй ускраіне вёскі. Царква ўяўляе сабой рэтраспектыву заходнепалескага народнага драўлянага дойлідства. Аб’ёмна-прасторавая кампазіцыя царквы паўтарае формы хрысціянскіх храмаў Палесся XVIII-XIX стст. Гэта адназрубны прамавугольны ў плане храм, апсіда якога ўваходзіць у храмавы аб’ём. Сцены храма да 1990-х гг. былі вертыкальна ашаляваны, а франтон на галоўным фасадзе ашаляваны “ў ялінку”.

Будаўніцтва храма звязана з выратаваннем жыхароў вёскі ад растрэлу. Паводле ўспамінаў мясцовых жыхароў, у прыватнасці Марыі Дзмітрыеўны Пратасевіч, у верасні 1942 г. карнікі з нямецка-фашысцкімі акупантамі акружылі вёску, усіх дарослых жыхароў сагналі на ўскрайку вёскі ля падрыхтаванай ямы. Дзяцей і пажыткі пагрузілі на абозы і адправілі ў Дзмітрыевічы, падлеткаў падрыхтавалі да адпраўкі ў Германію на працу. У апошні момант людзей адпусцілі па хатах, але з умовай, што дабудуюць царкву. Праз некалькі дзён з Белавежы вярнуліся падлеткі і дзеці з Дзмітрыевіч. Да зімы мужчыны дабудавалі царкву. На яе адкрыццё прыехаў нямецкі маёр, а неўзабаве прыслаў абраз "Божай Маці з дзіцем", выкананы на драўлянай дошцы, на якім зроблены надпіс "28 верасня 1942 года".