Адпраўлена!

Памылка!

Царква Пакрова Прасвятой Багародзіцы

Цiкавае

Змест

Звесткі аб каштоўнасці

Шыфр

613Г000678

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Мінская вобласць, Маладзечанскі раён, г. Маладзечна, пл. Старое Месца, 1

Датаванне

1865 - 1871 гг.

Стыль

Псеўдарускі

Апісанне

Царква Пакрова Прасвятой Багародзіцы была пабудавана ў 1867-71 гг. з цэглы.

Храм чатырохчастковай аб’ёмна-прасторавай кампазіцыі: двух’ярусная шатровая званіца (васьмярык на чацверыку), прамавугольны бабінец, квадратны ў плане асноўны аб’ём і пяцігранная апсіда з бакавымі прыбудовамі. Над асноўным аб’ёмам васьмігранны светлавы барабан з шатровым верхам, які завершаны макаўкай. Унутраная прастора падзелена 6 слупамі на 3 нефы. Практычна ўсе абразы напісаны на палотнах невядомым мастаком. Па левым баку храма знаходзіцца ікона Божай Маці Смаленскай (Адзігітрыя), якая раней, да сярэдзіны 30-х гг. ХХ ст., знаходзілася на чыгуначным вакзале г. Маладзечна. На званіцы знаходзяцца пяць званоў, якія выраблены ў ХІХ ст.

У перыяд Першай сусветнай вайны ўся царкоўная маёмасць была эвакуіравана ў глыб Расіі, у далейшым яна не была вернута. Таксама была пашкоджанана царкоўная агароджа, але сам храм істотных пашкоджанняў не атрымаў, хаця і патрабаваў рэстаўрацыі. Пасля Першай сусветнай вайны ў перыяд з 1920 да сярэдзіны 1930-х гг. храм быў адрэстаўраваны. У 1936 г. вакол царквы была зроблена новая агароджа з булыжнага каменя, якая і сёння азначае царкоўны двор. Пасярэдзіне агароджы – каменная арка. Храм атынкаваны і пафарбаваны звонку белай фарбай. Купалы над дахам былі заменены ў 2005 г. на пазалочаныя.

У царкве захоўваецца храмавы абраз у імя Пакрова Прасвятой Багародзіцы, набыты ў 1936 г. на ахвяраванні прыхаджан.