зваротная сувязь
Калі вы заўважылі недакладнасць, ці маеце пытанне - лістуйце:
Царква Параскевы Пятніцы
Шыфр
112Г000121
Катэгорыя каштоўнасці
Тып каштоўнасці
Падтып каштоўнасці
Месца знаходжання
Брэсцкая вобласць, Брэсцкі раён, аграгарадок Чарнаўчыцы, вул. Брэсцкая, 46/1
Датаванне
1773 год, ХІХ стагоддзе
Стыль
барока
Апісанне
Беларускія і польскія даследчыкі (В.А і Ю.В. Чантурыя, А.М.Кулагін, Ксаверый Зданьскі,
В.В.Віталёва) лічаць, што храм быў пабудаваны ў 1733 годзе. Па сваім аб’ёмна-прасторавым
вырашэнні падобная на цэрквы ў Хмелява і Покрах. Помнік народнага дойлідства стылю
барока. Крыжовы ў плане зруб некалькі выцягнуты ўздоўж падоўжанай восі за кошт
пяціграннай апсіды з бакавымі нізкімі рызніцамі і невялікага прытвора над двухсхільным
дахам. Малітоўная зала атрымала развіццё ў шырыню за кошт невялікага трансепта, які
завершаны знадворку трохвугольнымі франтонамі. Сяродкрыжжа двухсхільных дахаў
увянчана фігурнай шмат’яруснай главою (заменена на на светлавы ліхтар-васьмерык з
высокім шатром і рэтраспектыўна “рускай” галоўкай пасля пажару 1986 года). Вертикальную
накіраванасць будынка падкрэсліваюць таксама шалёўка, брусы-сцяжкі, вуглавыя руставаныя
лапаткі, здвоеныя прамавугольныя аконныя праёмы. У перакрытую плоскай столлю
малітоўную залу адкрываюцца хоры, размешчаныя над бабінцам. Апсіда вылучана
драўляным разным іканастасам (заменены ў 1987 годзе замест згарэлага, які быў выкананы ў
1930-х гадах). У апсідзе знаходзіцца каштоўны твор беларускага жывапісу - абраз “Цуд
Георгія аб змеі” (1729).
Сартаваць па