Царква Параскевы Пятніцы

Царква – помнік Палесскай школы драўлянага народнага дойлідства. Спачатку была трохзрубная, складалася з размешчаных па восі ўсход – захад прамавугольнага бабінца, квадратнага цэнтральнага аб’ёму, завершанага вялікім светлавым чацверыкам, і пяціграннай апсіды. Прамавугольныя вокны аздоблены ліштвамі. Зрубы аб’днаны шматсхільным дахам. Пры перабудове з захаду прырублена двух’ярусная званіца з хорамі, накрытая шатровым дахам, з поўдня – прамавугольная прыбудова, завершанная светлавым васьмерыком. У інтэр’еры дамінуе цэнтральнае двухсветлавое памяшканне, з якім вялікімі праёмамі злучаюцца бабінец, алтар, бакавая прыбудова.