Царква Прападобнай Параскевы Сербскай

Пабудавана з дрэва паводле праекта інж. Ф. Афанасьева, створанага ў 1880 г., на месцы старога храма. У 1879 г. прыхаджане сабралі 694 рублі, мясцовы памешчык А.М. Ган ахвяраваў лясны матэрыял і жалеза на дах. Будаўніцтва храма ажыццявілі селянін В. Гарбузаў і мясцовыя жыхары. У інтэр'еры драўляны 3-ярусны іканастас створаны ў 1885 г. паводле праекта інж. А Рэмера. 

З дрэва. Аб'ёмна-прасторавая кампазiцыя ўключае трох'ярусную званiцу, квадратны ў плане цэнтральны аб'ём з цыбулепадобнай галоўкай i чатырохгранную апсiду з бакавымi прыбудовамi. Цэнтральны i два бакавыя ўваходы вырашаны ганкамi з двухсхiльнымi дахамi на двух калонках. У дэкаратыўнай аздобе - разныя карнiзы, лiштвы, гарызантальная i вертыкальная шалўёка.