Царква Раства Багародзіцы

Царква пабудавана з дрэва. Мае трохзрубную падоўжна-восевую кампазіцыю. Да прамавугольнага ў плане асноўнага аб’ему прымыкае прамавугольная апсіда і прытвор. Асноўны кубападобны зруб накрыты пакатым чатырохсхільным дахам, над якім гранены купал на васьмігранным барабане. Над прытворам узвышаецца васьмерыковая званіца, завершаная востраканечным шпілем. Да ўвахода вядзе ганак. Уваход аформлены двухкалонным порцікам. Сцены гарызантальна ашаляваны, дэкарыраваны накладным дэкорам у выглядзе лапатак, аконных ліштваў, карнізаў. У інтэр’еры малітоўная зала мае двухсветлавую прастору. У габарытах залы вылучаны прытвор з бакавымі прасвірняй і хрысціьняй.