зваротная сувязь
Калі вы заўважылі недакладнасць, ці маеце пытанне - лістуйце:
Царква Раства Багародзіцы
Шыфр
413Г000352
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1793 г.
Апісанне
Драўляная царква Раства Прасвятой Багародзіцы пабудавана па фундацыі ўладальніка Голдаўскага маёнтка Фелікса Важынскага (сына падскарбія Вялікага княства Літоўскага А.В. Важынскага) ў 1795 (1793) г. на месцы заняпалага манастыра. У 19 ст. царква была реканструявана. Складаецца з прамавугольных у плане бабінца і асноўнага зруба, пяціграннай апсіды з нізкай рызніцай. Над бабінцам – чацвярык званіцы, накрыты шатром з цыбулепадобнай галоўкай на 8-гранным барабане. Асноўны зруб накрыты двухсхільным дахам з вальмамі над апсідай. Пры пераходзе ад асноўнага аб'ёму да алтарнай прыбудовы дах утварае трохвугольныя навісі. Сцены царквы ашаляваны. Аконныя праёмы лучковыя, размешчаны ў верхняй частцы сцен. Бабінец асвятляецца 2 люкарнамі, размешчанымі абапал увахода. Інтэр'ер зальнага тыпу. 3 дзвярныя праёмы, якія звязваюць бабінец з асноўным памяшканнем, абрамляюць шырокія масіўныя ліштвы. Над уваходам – хоры. Перад царквой устаноўлена двух'ярусная шатровая званіца каркаснай канструкцыі.
Сартаваць па