зваротная сувязь
Калі вы заўважылі недакладнасць, ці маеце пытанне - лістуйце:
Царква Раства Багародзіцы
Шыфр
112Г000570
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1885 г.
Стыль
народнае дойлідства з рысамі рэтраспектыўна-русскага стылю
Апісанне
Першая згадка пра храм адносіцца да 1564 г., калі памешчыкі Лемяшэвічы пабудавалі ў сваім сяле каменны храм у гонар Святой Тройцы, а калі той згарэў, то па абяцанні пабудавалі новую царкву Раства Прасвятой Багародзіцы. Драўляная царква ў вёсцы Лемяшэвічы была пабудавана ў 1810 г. на сродкі прыхаджан, у выглядзе карабля з адным глухім купалам. Але яна не захавалася.
Існуючы цяпер храм пабудаваны ў 1885 г. з дрэва. Складаецца з кубападобнага зруба, да якога дадаецца прамавугольны прытвор, бакавыя прыдзелы і апсіда. У прасторавай кампазіцыі пануе 3-ярусная шатровая званіца і цэнтральны зруб, накрыты 4-схільным дахам з какошнікамі і шлемападобным купалам.
Упрыгожвае храм абраз “Цуд Мікалая”. У гэтай царкве знаходзіліся арыгінальныя сплеценая з саломкі царскія вароты канца XVIII ст. Сёння царская брама з вёскі Лемяшэвічы - адзін са знакавых экспанатаў Музея беларускага Палесся г. Пінска. Падчас Вялікай Айчыннай вайны немцы моцна пашкодзілі будынак царквы.
Сартаваць па