Царква Раства Багародзіцы са званіцай

Царква пабудавана ў 1737 г. як уніяцкая. Пасля скасавання ў 1839 г. уніяцкай царквы была перададзена ў праваслаўнае ведамства. У 1845 г. перабудавана. У Вялікую Айчынную вайну храм захаваўся. Пад час абследавання царквы ў 1946 г. было адзначана, што яна мела бутавыя падмуркі і цокаль, драўляныя сцены і сувязі былі ў здавальняючым стане, толькі ніжні вянок патрабаваў замены.