зваротная сувязь
Калі вы заўважылі недакладнасць, ці маеце пытанне - лістуйце:
Царква Раства Багародзіцы са званіцай
Шыфр
113Г000218
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1797 год
Стыль
позні класіцызм з элементамі позняга барока i народнага дойлідства
Апісанне
Царква Раства Багародзіцы - помнік архітэктуры класіцызму з элементамі позняга барока і народного дойлідства. Будынак вырашаны адзіным прамавугольным у плане аб’ёмам з трохграннай
апсідай, над якой двухсхільны дах пераходзіць у вальмавае пакрыццё. Дах прарэзаны двума драўлянымі васьміграннымі барабанамі з цыбулепадобнымі галоўкамі. Сцены ўзведзены на цагляным падмурку. Галоўны фасад завершаны драўляным шчытом франтона з
дыяганальнай шалёўкай. Плоскасці сцен расчлянёны спаранымі пілястрамі з агульнай базай і абакай. Больш шырокія адзіночныя пілястры размешчаны па баках галоўнага фасада і па вуглах апсіды.
Антаблемент складаецца з трох частак з развітай прафіліроўкай. Арачныя аконныя праёмы аздоблены плоскімі прамавугольнымі ліштвамі з сандрыкамі. Пластыка галоўнага фасада некалькі
перанасычана прамавугольнымі і арачнымі нішамі, уваходным парталам. Зала перакрыта бэлечнай столлю на паўдугах, сцены расчлянёны пілястрамі, адпаведнымі вонкавым. Пры ўваходзе
выступаюць транецанадобныя хоры. У царкве знаходзяцца абразы 18 стагоддзя: “Маці Божая Замілаванне”, “Спас Пантакратар”, “Успенне Багародзіцы”, “Апостол Фадзей”, “Апостол Павел“, “Апостол Маце ей”, “Апостол Якаў”, “Апостол Фома”, “Апостол Сімяон”, “Маці Божая Адзігітрыя”.
Сартаваць па