Царква ў гонар Казанскага абраза Божай Маці

У цэнтры аграгарадка Вялікія Шылавічы знаходзіцца царква ў гонар Казанскага абраза Маці Божай. Па наяўных дадзеных драўляны храм у Шылавічах існаваў з XV стагоддзя. Згодна з інфармацыяй, выкладзенай у апісанні цэркваў і прыходаў у Гродзенскім праваслаўна-царкоўным календары (т.1 за 1899 год), царква пабудавана ў 1818 г. на сродкі сялян памешчыка Войцеха Пуслоўскага з цэглы і бутавага каменю ў выглядзе карабля і асвечаны ў гонар Свяціцеля Мікалая Цудатворца.