Царква ў імя 40 пакутнікаў Севасційскіх

Вёска Кастыкі ўпершыню згадваецца ў пісьмовых крыніцах у 1613 г. На той час гэта было сяло ў складзе маёнтка Сэрвач Ашмянскага павета Віленскага ваяводства. Належала віленскай кіпітуле і князю Бенідыкту Войне. У 1690 г. маёнтак ужо быў уласнасцю Стэфана Яна Слізня, пісара земскага ашмянскага. У 1756 г. ўладальнікам маёнтка названы Міхал Адам Слізень, падканюшы Вялікага княства Літоўскага. Ён пабудаваў у Кастыках уніяцкую царкву ў імя 40 пакутнікаў Севасційскіх. Царква згадваецца ў апісанні Касцяневіцкай парафіі 1784 г.