зваротная сувязь

Калі вы заўважылі недакладнасць, ці маеце пытанне - лістуйце:

Імя

Калі ласка, прадстаўцеся

Як з вамі звязацца?

Увядзіце карэктны email

Пытанне

Пра што вы хацелі даведацца?

Я згодзен/на з Палітыкай апрацоўкі персанальных дадзеных

Адпраўлена!

Памылка!

Царква Успення Прасвятой Багародзіцы

Цiкавае

Змест

Звесткі аб каштоўнасці

Шыфр

213Г000935

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Шумілінскі раён, в. Пабеда, вул. Цэнтральная, 13А

Датаванне

кан. XIX - пач. XX стст.

Стыль

псеўдарускі

Апісанне

Помнік архітэктуры – Царква Успення Прасвятой Багародзіцы – размешчаны на паўночна-заходняй ускраіне в. Пабеда.

Успенская Царква была пабудавана ў канцы XIX стагоддзя на месцы старой драўлянай. Паводле некаторых крыніц у 1898 г. Некаторыя даследчыкі адносяць царкву да аграгарадку Мікіціха і вёскі Лоўжа Шумілінскага раёна.

У 1930 годзе Свята-Успенская царква была зачынена (па іншых дадзеных у 1936 г.). Усе абразы з храма ў вёсцы Пабеда былі вывезены або спалены каля царквы. Вялікі крыж з царквы зрабілі апорай для моста праз ручай.

У час Вялікай Айчыннай вайны Свята-Успенскі храм зноў адкрылі, і ён дзейнічаў аж да 1959 года. У 1944 годзе ў царкве хаваліся немцы пры адступленні, на сценах засталіся сляды куль і снарадаў.

Храм быў часткова разбураны ў канцы траўня 1959 г. Некалькі гадоў стаяў пусты. У 1960-я гады па распараджэнні сакратара райкама партыі Васіля Георгіевіча Храмцова ў царкве ўчынілі збожжасховішча. Разбілі сцены з захаду на ўсход для праходу тэхнікі праз будынак. У 1990 годзе царкву дазволілі аднавіць і адкрыць.

Помнік архітэктуры пабудаваны ў псеўдарускім стылі з цэглы. Першапачаткова былі атынкаваны і пафарбаваны ў белы колер асобныя дэкаратыўныя элементы: паддахавы карніз, руставаныя дэкаратыўныя пілястры, надаконныя сандрыкі і іншыя элементы аздаблення. Фрагментарна тынкоўка захавалася. Аснову аб'ёмна-прасторавай кампазіцыі складае прадаўгаваты прамавугольны ў плане аб'ём з трыма рознавялікімі гранёнымі апсідамі, накрыты двухсхільным дахам. Над галоўным фасадам выступае ярусная цыліндрычная вежа. Бакавыя фасады расчлянёны 5 аркамі, у кожнай па 2 вузкія арачныя праёмы і 1 люкарне. Фасады дэкарыраваны шматлікімі абломамі і профілямі. На чырвоным фоне сцен кантрасна вылучаюцца пабеленыя дэталі архітэктурнага дэкору (абломы і профілі, руст, ліштвы).