Адпраўлена!

Памылка!

Царква з в. Вылева Добрушскага раёна Гомельскай вобласці

Цiкавае

Змест

Звесткі аб каштоўнасці

Шыфр

313Г000002

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Гомельская вобласць, г. Гомель, праспект Рэчыцкі, 32

Датаванне

1909 г.

Стыль

Народнае дойлідства з элементамі псеўдарускага стылю

Апісанне

Паводле архіўнага дакумента, царква ў імя архістратыга Міхаіла была пабудавана ў 1909 г. у в. Вылева. У страхавой ведамасці 1910 г. храм апісаны як драўляны на цагляным цокалі, звонку абшыты цёсам, унутры абчасаны, сцены вонкавыя і ўнутраныя пафарбаваныя алейнымі фарбамі, крыты жалезам, пафарбаваным у зялёны колер. Званіца трох'ярусная.

Першапачатковы іканастас быў двух'ярусным, а ў 1912 г. на сродкі вернікаў былі надбудаваны трэці і чацвёрты ярусы. Па сведчанню жыхароў в. Вылева царква пасля рэвалюцыі не зачынялася прыблізна да 1937 г. Дзейнічала таксама ў гады Вялікай Айчыннай вайны і пасля яе завяршэння.

Пасля аварыі на Чарнобыльскай АЭС 26 красавіка 1986 г. в. Вылева апынулася ў зоне адсялення. Было зроблена некалькі спробаў пераносу храма-помніка ў іншае месца. Спачатку такім месцам быў вызначаны г.п. Церахоўка. Потым было прынята рашэнне аб пераносе помніка ў г. Гомель. Работы па пераносу і аднаўленню царквы вяліся з 2001 па 2006 г.