Адпраўлена!

Памылка!

Троіцкі касцёл

Цiкавае

Змест

Звесткі аб каштоўнасці

Шыфр

213Г000250

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Верхнядзвінскі раён, в. Росіца, вул. Цэнтральная 60

Датаванне

1906 - 1911 гг.

Стыль

Неараманскі

Апісанне

Троіцкі касцёл быў пабудаваны з чырвонай цэглы ў 1906-1911 гг. на месцы былога парафіяльнага храма. З'яўляецца помнікам архітэктуры неараманскага стылю. Будынак уяўляе сабой трохнефавы двухвежавы храм з пяціграннай апсідай з сакрысціямі. Цагляная архітэктура будынка насычана архітэктурнай пластыкай: шырокія лапаткі, аркатурныя фрызы, архівольты аконных праёмаў, карнізы з сухарыкамі.

У храме было 5 алтароў. Галоўны алтар быў перанесены са старога драўлянага касцёла. Яшчэ 4 алтары былі зроблены з дуба і размяшчаліся ў бакавых прыдзелах. Абразы для гэтых алтароў ахвяравалі парафіяне.

Пасля 1917 г. касцёл быў зачынены савецкай уладай, пасля савецка-польскай вайны 1919 – 1920 гг. вернуты каталікам. Дзейнічаў да 1934 г. і зноў быў зачынены. Пасля закрыцця ў будынку касцёла размясцілася хата-чытальня, а пасля – клуб.

У час Вялікай Айчыннай вайны ў Троіцкім касцёле былі адноўлены службы. Пасля вызвалення Дрысенскага раёна ад акупацыйных войск зноў быў зачынены. Будынак пачалі выкарыстоўваць як клуб, а пасля ў якасці сховішча хімічных угнаенняў. Гусеніцамі трактараў была часткова пашкоджана плітка на падлозе храма.

У 1988 г. касцёл вярнулі вернікам. На працягу 1990-х гг. ішлі рэстаўрацыйныя работы. 19 жніўня 2000 г. было праведзена паўторнае асвячэнне храма ў імя Св. Троіцы.