Троіцкі касцёл
Троіцкі касцёл
Змест
Звесткі аб каштоўнасці
Шыфр
113Г000657
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1848 г.
Стыль
Позні класіцызм
Апісанне
Троіцкі касцёл у гарадскім пасёлку Шарашова з'яўляецца помнікам мураванай культавай (каталіцкай) архітэктуры другой чвэрці ХIХ ст. Быў узведзены ў 1841–1848 гг. невядомымі дойлідамі ў стылі позні класіцызм.
Прамавугольны ў плане аб'ём накрыты 2-схільным дахам з вальмай над апсідай. У верхніх ярусах вежаў арачныя праёмы. Фасад упрыгожваюць 2 драўляныя скульптуры апосталаў у бакавых арачных нішах. Падобныя скульптуры размешчаны і ў прамавугольных нішах на бакавых гранях ніжняга яруса вежаў. Над прамавугольным уваходным праёмам -- паўцыркульнае акно, якое асвятляе хоры.
Інтэр'ер 3 парамі магутных калонаў расчлянёны на 3 нефы, перакрытыя цыліндрычнымі скляпеннямі на падпружных арках. У прастору залы выступаюць хоры на калонах. Алтар вырашаны карынфскай каланадай.
Касцёл быў зачынены з 1949 па 1988 гг. У кан. 1980-х гг. храм быў вернуты вернікам.
У 2005 г. быў праведзены капітальны рамонт будынка.
Доступ да аб'екта