Усясвяцкая царква

Царква трохзрубная: прамавугольны ў плане бабінец, асноўны аб'ём і алтарная апсіда.Складзена з брусоў на падмурку і накрыта бляхай. Сцены звонку ашаляваны дошкамі, прарэзаны прамавугольнымі аконнымі праёмамі. Першапачаткова ўсе 3 зрубы мелі шатровыя дахі з галоўкамі і крыжамі. Пры перабудове храма ў 20 ст. зроблены двухсхільныя дахі. Над бабінцам надбудавана васьмерыковая званіца, завершаная шатровым дахам. Уваход вылучаны двухслуповым ганкам пад двухсхільным дахам. Алтарная частка аддзелена ад асноўнага аб'ёму двух'ярусным разным іканастасам. Царскія вароты аздоблены ракайлямі і разеткамі.