Адпраўлена!

Памылка!

Успенская царква

Цiкавае

Змест

Звесткі аб каштоўнасці

Шыфр

213Г000565

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Міёрскі раён, в. Ніўнікі

Датаванне

1906 г.

Стыль

Псеўдарускі

Апісанне

Свята-Успенская (стараабрадная) царква ў в. Ніўнікі пабудавана ў пачатку ХХ ст. (1906 г.) з дрэва. Помнік драўлянага дойлідства. Знаходзіцца на ўсходняй ускраіне вёскі. З'яўляецца цэнтрам старавераў у Перабродскім сельвыканкаме Міёрскага раёна.

Царква прадстаўляе сабой прамавугольны ў плане будынак накрыты двухсхільным дахам, які на галоўным фасадзе выходзіць трохвугольным франтонам. Вежа – званіца (васьмярык на чацвярыку) з шатровым дахам. Гарызантальна ашаляваныя пафарбаваныя фасады рытмічна расчлянёны лучковымі аконнымі праёмамі ў разных ліштвах.

Царква дзеліцца на дзве паловы: мужчынскую – уваход справа і жаночую - уваход злева. Да нашага часу ў дзвярах захавалася шкло, якому больш за сто гадоў. З часоў будаўніцтва храма яно засталося нязменным. З калідора вядуць дзве лесвіцы на хоры: справа на мужчынскую, злева – на жаночую. Мужчынская палова ўпрыгожана абразом Ісуса Хрыста. Жаночая палова - абразом Божай Маці.

У царкве маюцца абразы XVIII-XIX стст.: “Раство Хрыстова”, “Уваскрасенне Хрыста”, “Дзісус”, “Святы Мікола”, “Жыціе Іаана Багаслова”. Захаваліся Евангелле першай паловы XVIII ст., “Часословы” 1719 і 1720 гг.