Адпраўлена!

Памылка!

Успенскі касцёл

Цiкавае

Змест

Звесткі аб каштоўнасці

Шыфр

213Г000551

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Міёрскі раён, г. Міёры, вул. Кірава, 3

Датаванне

1907 г.

Стыль

Неаготыка

Апісанне

Успенскі касцёл або касцёл Унебаўзяцця Найсвяцейшай Панны Марыі ў Міёрах - помнік архітэктуры неаготыкі, пабудаваны з чырвонай цэглы ў 1905-1907 гг. Прадстаўляе сабой трохнефавы двухвежавы храм з пяціграннай алтарнай часткай, да якой з паўднёвага боку далучана сакрысція. Вось сіметрыі галоўнага фасада падкрэслена ўваходным парталам і акном-ружай. Трох'ярусныя вежы завершаны высокімі шпілямі, умацаваны ступеньчатымі контрфорсамі, раскрапаваны вузкімі нішамі. Вежа-ліхтар завяршае цэнтральны шчыт.

У касцёле знаходзяцца абразы ХІХ ст. - “Маці Божай Ружанцовай”, “Іосіф з дзіцяткам Езусам”, “Маці Божая Чанстахоўская”. Пад касцёлам знаходзяцца скляпенні, дзе пахаваны фундатары касцёла Святаполк-Мірскія, бацькі ксяндза Бародзіча.

Касцёл мае даўнюю гісторыю. Па ўскосных дадзеных можна меркаваць, што ён дзейнічаў ўжо ў XVI ст. Касцёл не аднойчы згадваецца ў дакументах 1691, 1717, 1744,1775, 1789 гг.

Падчас баёў у 1944 г. у касцёл трапіла пяць снарадаў, быў прабіты дах, але касцёл вытрымаў. У перш. пал. 1950-х гг. у касцёле размяшчалася зернясховішча.

У 1956 г. касцёл быў вернуты вернікам.

У 2002 г. прайшла рэканструкцыя храма. Касцёл быў перакрыты металачарапіцай, створана новая каменная агароджа, добраўпарадкаваны цвінтар, спілаваны дрэвы. Зараз праводзяцца значныя працы па рэстаўрацыі яго інтэр’ера.