зваротная сувязь
Калі вы заўважылі недакладнасць, ці маеце пытанне - лістуйце:
Успенскі сабор
Шыфр
313Г000672
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гомельская вобласць, Рэчыцкі раён, г. Рэчыца, вул. Савецкая, 29
Датаванне
1842 г.
Апісанне
Будаўнічыя работы пачаліся ў маі 1842 г. і па ўмовах кантракта павінны быць завершаны ў 1844 г. Але адхіленні ад прынятых праектных рашэнняў прывялі да таго, што ў ноч з 28 на 29 кастрычніка 1843 г. (у іншых дакументах 1845 г.) пабудаваная званіца рухнула амаль да асновы і пашкодзіла частку царквы. У такім стане царква прастаяла шмат гадоў. Увесь гэты час з 1843 па 1856 гг. доўжылася перапіска паміж рознымі зацікаўленымі ведамствамі аб пошуку і пакаранні вінаватых, але станоўчых вынікаў яна не дала. Быў дабудаваны ў 1872 г. 11 чэрвеня 1872 года сабор быў асвечаны ў гонар Прачысты Прасвятой Багародзіцы. Век храма быў кароткім – усяго толькі 62 гады. Пачынаючы з 1917 года, паступова было ліквідавана ўсё духавенства горада Рэчыцы. У 1934 годзе сабор быў закрыты і пазней перабудаваны ў Дом сацыялістычнай культуры. Былі знесены купал і званіца, зменены інтэр’ер, узведзена прыбудова на бакавых фасадах, дзе размясціліся бібліятэкі імя Н.К. Крупскай і краязнаўчы музей. У 1968 годзе ў горадзе быў пабудаваны новы Дом культуры і былое памяшканне храма засталося безгаспадарчым. Паступова яно разбуралася і к сярэдзіне 1990-х гадоў прыйшло ў даволі убоскі стан.
У 1997 годзе рашэннем гарвыканкама будынак перададзены гарадскому праваслаўнаму прыходу. У 1999 годзе былі пачаты работы па яго аднаўленню. У рэканструкцыі храма прымаў удзел увесь горад. Прадпрыемствы, установы і гараджане ўнеслі пасільны ўклад у яго аднаўленне. 26 ліпеня 2003 года храм, які атрымаў другое жыцце, быў асвечаны Мітрапалітам Мінскім і Слуцкім Патрыяршым Экзархам усея Беларусі Філарэтам.
Уяўляе сабой крыжападобны цагляны будынак з высокім цокалем. Да цэнтральнага аб’ему з усходняга боку прымыкае апсіда, з заходняга – прадольны неф і трох’ярусная званіца. Галоўны фасад – з усходняга боку, выходзіць на вул. Савецкую. Асноўны, квадратны ў плане аб’ем царквы, роўна як і званіца пакрыты металічным дахам у выглядзе шатра, на даху цэнтральнага аб’ему з чатырох бакоў прарэзаны люкарны. Зверху «шатровыя» завяршэнні ўпрыгожаны лукавічнымі глаўкамі на высокіх барабанах. Апсіда пакрыта двускатным дахам, самкнутым паўсводам, неф – двускатным металічным дахам.
Сартаваць па