Вадзяны млын

Вадзяны млын знаходзіцца пры ўездзе ў в. Жодзішкі, злева ад цэнтральнай дарогі, на р. Палавойка, якая ўпадае ў р. Вілію. Асновай будынка з’яўляецца драўляны зруб і старынны каменны фундамент. Унутры памяшкання захавалася прыстасаванне, пры дапамозе якога мяшкі з мукой падаюцца на другі паверх. Прыстасаванне прыводзіцца ў рух пры дапамозе вады, якая праз шлюзы пад мастом выцякае да млына і з 4-х метровай вышыні сцякае ў 4-х вугольны каменны калодзеж. Такім чынам прыводзіцца ў рух турбіна калодзежа, а затым і вал. Турбіна адноўлена, старажытная турбіна не захавалася.