Ваенныя могiлкi

Ваенныя могілкі знаходзяцца ў цэнтры вёскі Стараселле. У 4 магілах пахаваны 357 воінаў Чырвонай Арміі, што загінулі ў баях супраць нямецка-фашысцкіх захопнікаў у верасні 1943 г. - чэрвені 1944 г. Сярод пахаваных - воіны 62, 247, 352- й стралковых дывізій. У 1960 г. на могілках пастаўлены помнік - скульптура воіна.

Помнік уяўляе сабой скульптуру воіна савецкай арміі ў поўны рост, якая ўзвышаецца на пастаменце. Салдат апрануты ў шынэль, на галаве каска, у руках трымае прыспушчаны сцяг у памяць аб загінуўшых таварышах.