Адпраўлена!

Памылка!

Вайсковыя могілкі

Цiкавае

Змест

Звесткі аб каштоўнасці

Шыфр

413Д000009

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Гродзенская вобласць, г. Гродна, вул. Белуша

Датаванне

1887 г.

Апісанне

Гродзенскія вайсковыя могілкі знаходзяцца на правым беразе р. Нёман ва ўсходняй часцы г. Гродна па вул. Белуша.

У сваёй большасці на могілках пахаваны салдаты польскай арміі, якія загінулі ў 1920 і 1939 гг., Чырвонай арміі, загінуўшыя ў 1939 г., Савецкай арміі, а таксама нямецкія салдаты, якія памерлі ў гродзенскіх шпіталях у 1941 – 1944 гг. У 23 брацкіх пахаваннях болей за ўсё савеціх ваеннапалонных, якія загінулі ў канцэнтрацыйным лагеры, што размяшчаўся па вул. Шчорса. Па адным дадзеным – каля 6 тыс., па іншым – болей за 8 тыс. Захавалася 398 індывідуальных пахаванняў салдат, якія загінулі ў 1944 г. пры вызваленні Гродна (81 пахаванне аб’яднана ў два комплекса, дзе пахаванні далучаны адзін да аднаго).

Па некаторай інфармацыі, на могілках пахаваны таксама ваенаслужачыя, якія загінулі ў баях з бандфарміраваннямі ў другой палове 1940-х – 1950-х гг., а таксама загінуўшыя пры выкананні абавязкаў вайсковай службы ў мірны час. Могілкі былі зачынены для падзахавання ў 1973 г. Самае апошняе пахаваннне датуецца 1981 г. - гэта пахаваннне генерал-маёра Сакалова Алега Валер’янавіча.