Адпраўлена!

Памылка!

Вайсковыя могілкі

Цiкавае

Змест

Звесткі аб каштоўнасці

Шыфр

213Д000323

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Гарадоцкі раён, в. Віраўля

Датаванне

1941 - 1944 гг.

Апісанне

Вайсковыя могілкі знаходзяцца ў аг. Віраўля, побач з будынкам Віраўлянскага сельскага выканаўчага камітэта. Пахавана 568 воінаў і 4 партызаны, якія загінулі ў Вялікую Айчынную вайну ў баях супраць нямецка-фашысцкіх захопнікаў.

Першае пахаванне загінуўшых воінаў на могілках адбылося ў 1944 г., колькасць пахаваных - 124 чалавекі.

У 1953 г. на могілкі былі перапахаваны загінуўшыя воіны з навакольных вёсак. Сярод іх афіцэраў - 2 чалавекі, сяржантаў і радавых - 352 чалавекі, партызан - 4 чалавекі. Усе яны былі пахаваны ў шасці брацкіх магілах, на якіх былі ўстаноўлены невялікія помнікі ў форме ўсечаных конусаў. Таксама быў устаноўлены агульны помнік, прамавугольны, які завяршаўся высокім тонкім шпілем з чырвонай зоркай. Могілкі былі агароджаны штыкетнікам.

У 1960 г. на вайсковых могілках была праведзена першая рэканструкцыя, у выніку якой быў устаноўлены трохступенчаты абеліск. На 6 брацкіх магілах былі зроблены надмагільныя пліты з кветнікам, у верхняй частцы якіх - мемарыяльныя дошкі з прозвішчамі загінуўшых. Самі могілкі былі абнесены металічнай дэкаратыўнай агароджай.

У 1980 г. на вайсковых могілках в. Віраўля была праведзена другая рэканструкцыя, у выніку якой створана архітэктурна-скульптурная кампазіцыя за аўтарствам В. Шаронав і В. Якавіцкага.