зваротная сувязь
Калі вы заўважылі недакладнасць, ці маеце пытанне - лістуйце:
Вайсковыя могілкі
Шыфр
213Д000844
Катэгорыя каштоўнасці
Тып каштоўнасці
Падтып каштоўнасці
Месца знаходжання
Віцебская вобласць, Шумілінскі раён, г.п. Шуміліна, у парку Кароткіна
Датаванне
1941 г. - 1944 г.
Апісанне
Вайсковыя могілкі ўяўляюць сабой мемарыял у выглядзе прасторавай архітэктурнай кампазіцыі, якая ў праекцыі мае форму чатырохвугольніка. У цэнтральнай частцы размешчаны манумент у выглядзе трох вертыкальных прамавугольных стэл. На стэлах выкананы барэльефы. Злева - барэльефныя выявы твараў воінаў Чырвонай арміі: лётчыка, танкіста, пехацінца, справа - партызанаў і падполыпчыкаў, выкананы з бронзы; у цэнтры выява з алюмінія прыспушчаных сцягоў і пяціканцовай зоркі. Стэлы ўстаноўлены на гарызантальнай пліце, утвараючы верхні ярус манумента. На ніжнім ярусе - гарызантальная пліта, перад якой усталяваны Вечны Агонь. Перад манументам, у цэнтры, размешчана мемарыяльная пліта Герою Савецкага Саюза Талмачову А.Е., радавому, які загінуў за вызваленне Шумілінскага раёна 24.06.1944 г. Мемарыяльныя пліты з імёнамі загінуўшых абаронцаў Айчыны таксама размешчаны па периметры могілак. Пры ўваходзе на мемарыял, па ўсёй шырыні, таксама размешчаны мемарыяльныя пліты з прозвішчамі і імёнамі, пасадамі і гадамі жыцця ўдзельнікаў Вялікай Айчыннай вайны, вядомых кіраўнікоў, якія ўнеслі важкі ўклад ў развіццё раёна, і былі пахаваны ў пасляваенны перыяд. Тэрыторыя вайсковых могілак абнесена невысокая металічнай агароджай, па перыметры высаджаны туі. Асноўная частка тэрыторыі выкладзеная тратуарнай пліткай.
Сартаваць па