зваротная сувязь
Калі вы заўважылі недакладнасць, ці маеце пытанне - лістуйце:
Вайсковыя могілкі з мемарыяльным комплексам
Шыфр
213Д000872
Катэгорыя каштоўнасці
Тып каштоўнасці
Месца знаходжання
Датаванне
1941 г. - 1944 г.
Апісанне
Вайсковыя могілкі з мемарыяльным комплексам размешчаны за 0,1 км на поўнач ад вёскі Тропіна, злева ад дарогі на Сіроціна. Тут пахаваны каля 2 тысяч воінаў 179-й, 306-й, 357-й стралковых, 90-й знішчальнай авіяцыйнай і іншых дывізій, 10-й гвардзейскай танкавай і 31-й мінамётнай брыгад, 376-га і 480-га гаўбічных артылерыйскіх палкоў 43-й арміі, якія загінулі ў час вызвалення Шумілінскага раёна ў 1943-1944 гг. Сярод пахаваных - Героі Савецкага Саюза Ф.Т. Афанасьеў, П.М. Герасіменка, М.Н. Хаменкоў, А. Якубаў.
У 1974 г. на могілках узведзены мемарыяльны комплекс (архітэктар В.В. Ягадніцкі). Помнік размешчаны на невысокім пагорку і злучаны бетоннай лесвіцай з дарогай, што праходзіць побач. Пабудаваны з бетону. Уяўляе сабой архітэктурна-скульптурную кампазіцыю ў стылі сацрэалізму: стэла, якая нагадвае сваёй канфігурацыяй разгорнуты сцяг з зоркай у цэнтры, і масіўны надмагільны блок, што прымыкае да яе. На фасаднай грані блока рэльефная выява суровых твараў савецкіх воінаў, на бакавой - словы: “Нам дорого каждое имя, бессмертен твой подвиг, солдат 1941-1945”. На схіле пагорка - пліты з імёнамі воінаў, якія загінулі пры прарыве абароны гітлераўцаў. Вышыня стэлы - 7 м, надмагілля - 2,5 м.
Сартаваць па