зваротная сувязь
Калі вы заўважылі недакладнасць, ці маеце пытанне - лістуйце:
Варварынская капліца
Шыфр
113Г000035
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1772 г.
Стыль
Позняе барока
Апісанне
Варварынская капліца (капліца Святой Барбары) у Высока-Літоўску была пабудавана ў 1772 г. на месцы касцёла. Аўтар капліцы - Ян Самуэль Бэкер, вучань Дэйбеля, прыдворны архітэктар Аўгуста Моцнага, аўтар другой рэканструкцыі мураванага касцёла ў Высокім і кляштара баніфратаў (1785 г.) у Марыямпалі.
Помнік вызначаецца высокімі мастацкімі вартасцямі, тонкай апрацоўкай асобных форм і дэкаратыўных дэталяў. Невялікі аб’ём капліцы ўяўляе сабой васьміграннік, дзе чаргуюцца шырокія і вузкія грані. Накрыта шатровым дахам, які завершаны скразным барабанам, які выкананы ў тэхніцы мастацкага чыгуннага ліцця з шмат’яруснай галоўкай (страчаны напачатку 1992 г.). У інтэр'еры сцены капліцы багата дэкарыраваны ляпнымі дэталямі з расліннага арнаменту. Пры ўваходзе знаходзяцца хоры, якія маюць разную драўляную агароджу.
У капліцы знаходзіцца пахаванне кс. Адама Клакоцкага, біскупа сыдыненскага, суфраганта брэсцкага, які памёр у 1719 г.
Сартаваць па