Адпраўлена!

Памылка!

Вітраж кінатэатра "Масква"

Цiкавае

Змест

Звесткі аб каштоўнасці

Шыфр

712Ж000214

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнік мастацтва Ж

Месца знаходжання

г. Мінск, Цэнтральны раён, пр. Пераможцаў, 13

Датаванне

1980

Апісанне

Вітраж, які ствараўся пад назвай "Масква - сталіца нашай Радзімы", упрыгожвае фае кінатэатра "Масква". Выкананы з аб'ёмнага каляровага шкла (асноўныя колеры: белы, залаціста-жоўты, насычаны зялёны, чырвоны, сіні). У кампазіцыі вітража аб'яднаны гісторыя і сучаснасць. Старажытныя архітэктурныя помнікі і вышынныя сучасныя будынкі разам ствараюць яскравы воблік Масквы. Акцэнтам усёй кампазіцыі з'яўляецца рубінавая пяціканцовая зорка.

Будынак пабудаваны ў 1980 г. па праекце архітэктараў М.Вінаградава, В.Крамарэнкі, У.Шчарбіна. Афармленне інтэр'ераў Г.Х.Вашчанка рабіў тут разам з сынам Міколам. Вітраж выкананы ў тэхніцы літага фактурнага шкла, сугучны архітэктуры. Акрамя дэкаратыўнага акцэнту, двухбаковая кампазіцыя ад падлогі да столі нясе на сабе функцыю архітэктурнай апоры, якая канструкцыйна ўвайшла ў агульны ансамбль інтэр'ера. Як адзначаюць даследчыкі творчасці мастака, Г.Вашчанка заўсёды ўлічваў асяродзе, у якім ажыццяўляў тую ці іншую манументальную работу. Ён стараўся падпарадкаваць агульнай кампазіцыі твора архітэктуру будынка, прыстасаваць яго памеры, сілу, колеравае ўздзеянне да самога інтэр'ера.